കുറുക്കന്റെ കണ്ണ് കോഴിക്കൂട്ടില്‍ - സരസന്‍

കുറുക്കന്റെ കണ്ണ് കോഴിക്കൂട്ടില്‍ എന്നതുപോലെയാണ് തറയ്ക്കലച്ചന്റെ കണ്ണ് എപ്പോഴും ക്രീഡ്മോര്‍ ഫെയ്ത്ത് ചാപ്പലിലെയ്ക്കാണ്. കാരണം, അവിടെ കോട്ടയം രൂപതയെ മാത്രം അംഗീകരിക്കുന്ന നല്ല ശതമാനം കറതീര്‍ന്ന ക്നാനായക്കാര്‍ ഒത്തുകൂടി എല്ലാ മാസത്തിന്റെ ആദ്യ ഞായറാഴ്‌ച IKCCയുടെ കീഴില്‍ Kids Club-ന്റെ പേരില്‍ നടത്തുന്ന വിശുദ്ധ കുര്‍ബ്ബാന ഒരുവിധത്തിലും ഉള്‍ക്കൊള്ളുവാന്‍ തറയ്ക്കനും ശിങ്കിടികള്‍ക്കും സാധിക്കുന്നില്ല.

BQLI പ്രദേശത്തെ ക്നാനായക്കാര്‍ മൂലക്കാട്ട് പിതാവിനെയും തറയ്ക്കലച്ചനെയും നേരില്‍കണ്ട് 2012 October-ല്‍ അപേക്ഷിച്ചു –ഞങ്ങള്‍ക്കുവേണ്ടി, ഇവിടെ ജനിച്ചുവളര്‍ന്ന യുവജനങ്ങള്‍ക്ക് വേണ്ടി, മലയാള പ്രാര്‍ത്ഥന ശരിയ്ക്കു മനസിലാകാത്ത ക്നാനായമക്കള്‍ക്ക് വേണ്ടി, മാസത്തില്‍ ഒരു ഞായറാഴ്‌ച ക്രീഡ്മോര്‍ ചാപ്പലില്‍ വന്ന് ഇംഗ്ലീഷില്‍ കുര്‍ബാന ചൊല്ലിത്തരണം. സമുദായത്തെ നശിപ്പിക്കുവാന്‍ ഇറങ്ങിപുറപ്പെട്ടിരിക്കുന്ന മൂലക്കാടനും മുത്തോലവും തറയ്ക്കനുംമറ്റും അപേക്ഷ നിഷ്ക്കരുണം പറ്റുകയില്ലെന്നു പറഞ്ഞ് ഒഴിഞ്ഞു. അതിന്റെ പരിണിതഫലമായി 2012 ഡിസംബര്‍ ആദ്യ ഞായറാഴ്ച കല്ലറ കുടിലിലച്ചന്റെ കാര്മ്മികത്തില്‍ ഇംഗ്ലീഷ് കുര്‍ബാന ആരംഭിച്ചു.

അതിനുശേഷം എല്ലാ മാസത്തിന്റെയും ആദ്യ ഞായറാഴ്ചകളില്‍ മലയാളി അച്ചന്മാര്‍ വന്ന് കുര്‍ബാന അര്‍പ്പിച്ചുകൊണ്ടിരിക്കുന്നു. അതില്‍ പല അച്ചന്മാരെയും മുത്തോലവും തറയ്ക്കനും പുരോഹിതവര്‍ഗത്തിന് യോജിക്കാത്ത പലതരത്തിലുള്ള പാരകള്‍ പണിത് കുര്‍ബാന മുടക്കുവാന്‍ നോക്കി. എന്നിരുന്നാലും എല്ലാ മാസത്തിന്റെ ആദ്യ ഞായറാഴ്ചകളില്‍ മുടങ്ങാതെ പരിശുദ്ധ കുര്‍ബാന അര്‍പ്പിച്ചുകൊണ്ടിരിക്കുന്നു.

അങ്ങിനെ 2014 ജനുവരി അഞ്ചാം തിയതി IKCCയുടെ നേതൃത്വത്തില്‍ Kids Club-ന്റെ ആനിവേഴ്സറിയും ദൈവത്തിന് നന്ദിപ്രകടനവും നടത്തുകയുണ്ടായി. അതിനു കത്തോലിക്കാസഭയിലെ അച്ചന്മാരും പ്രത്യേകിച്ച് ഞങ്ങള്‍ ക്നാനയക്കാരുടെ എല്ലാമെല്ലാമായ തോമസ്‌ മുതുകാട്ടിലച്ചനും ക്നാനായ സമുദായത്തിന്റെ മെത്രാപ്പോലീത്തായും സന്നിഹിതരായിരുന്നു.

അമേരിക്കയിലെ ക്നാനായക്കാരുടെ പിതാവ് മൂലക്കാടനല്ലെന്നു മൂലക്കാടന്‍തന്നെ പ്രഖ്യാപിച്ചിരിക്കുകയാണല്ലോ!

ആനിവേഴ്സറിയുടെ മുഖ്യാതിഥിയായിരുന്ന ക്നാനായ യാക്കോബായസഭയുടെ മെത്രാപ്പോലീത്ത അയൂബ് മാര്‍ സില്‍വാനോസ്‌ തിരുമേനി അമേരിക്കയിലെ ക്നാനയക്കാര്‍ക്ക് സമുദായപ്രകാരമുള്ള എന്താവശ്യങ്ങളും എപ്പോള്‍ വേണമെങ്കിലും ചെയ്തുതന്നുകൊള്ളാമെന്നു പലപ്രാവശ്യം വാഗ്ദാനം ചെയ്തുപറയുകയുണ്ടായി എന്നതാണ് സത്യം.

ഒരുകാലത്ത് “ക്നാനായക്കാരുടെ പോപ്പ്‌ ഞാനാടാ” എന്ന് ധൈര്യസമേതം പറയുവാന്‍ കഴിവുണ്ടായിരുന്ന പിതാക്കന്മാരുടെ പിന്‍ഗാമിയായി വന്ന മൂലക്കാടന്‍ പറയുന്നത് “ഞാനല്ല നിങ്ങളുടെ പിതാവ്, അത് അങ്ങാടിയത്താണ്” എന്ന്!

ക്നാനായരക്തം അല്പമെങ്കിലും ഉണ്ടെങ്കില്‍ അങ്ങനെ പറയുമോ?

ആ മൂലക്കാടാണ് അമേരിക്കയിലെ ക്നാനയമക്കളെ വേണ്ട, ഡോളര്‍ മാത്രം മതി. ഇനി അമേരിക്കക്കാരില്‍നിന്നും പത്തുപൈസ കിട്ടുകയില്ലെന്നു ബോധ്യമായപ്പോള്‍ കാരിത്താസ് ഹോസ്പിറ്റല്‍ മെഡിക്കല്‍കോളേജാക്കണമെന്ന അത്യാഗ്രഹം വേണ്ടെന്നുവച്ചു. ദൈവത്തിന് നന്ദി!

ഇനിയെന്തെങ്കിലും പിരിവിനായി മൂലക്കാടന്‍ അമേരിക്കയില്‍ കാലുകുത്തിയാല്‍ പുത്തന്‍ ഡോളറല്ല പുളിച്ച തെറി കിട്ടും എന്നാണു ജനസംസാരം. ഇനി മൂലക്കാടന്റെ ഫോര്‍മുല – അതായത് ക്നാനായ അപ്പനില്‍നിന്നും അമ്മയില്‍നിന്നും ജനിച്ചവര്‍ ക്നാനായപള്ളിയില്‍ മെമ്പറും വേറെ സമുദായത്തില്‍ നിന്നും കെട്ടിവന്ന ഭാര്യ, അല്ലെങ്കില്‍ ഭര്‍ത്താവും കുട്ടികളും വേറെ പള്ളിയില്‍ പോയി മെമ്പര്‍ ആകണമെന്ന മൂലക്കാടന്‍ ഫോര്‍മുല – അതങ്ങ് പള്ളിയില്‍ പോയി പറഞ്ഞാല്‍മതി!

ആ മൂലക്കാടന്‍ ഫോര്‍മുല വരുത്തിവച്ച വിന എത്ര കഠിനമായിപ്പോയെന്നു വിവരിയ്ക്കാം..

2010 വരെയുള്ള കണ്‍വെന്‍ഷനുകളില്‍ നമ്മുടെ എല്ലാ പിതാക്കന്മാര്‍ക്കും നാട്ടില്‍ നിന്ന് ഫസ്റ്റ്ക്ലാസ്‌ ടിക്കറ്റും ഫൈവ്സ്റ്റാര്‍ ഹോട്ടലില്‍ താമസവും തിരിച്ചുപോകുമ്പോള്‍ നല്ല പണക്കിഴിയും വാങ്ങിപ്പോയിരുന്ന കാലം ഇനി സ്വപ്നം കണ്ടാല്‍മതി. അതല്ല, ഇനി പിതാക്കന്മാര്‍ക്ക് സ്വന്തം ചെലവില്‍ കണ്‍വെന്‍ഷനില്‍ പങ്കെടുക്കണമെന്ന് വല്ല അതിമോഹവും ഉണ്ടെങ്കില്‍ ഒന്നോര്‍ക്കുക – 2012 ഏപ്രില്‍ ഒന്നാം തിയതി ചൈതന്യയില്‍ വെറും ആയിരത്തോളം ആള്‍ക്കാര്‍ മാത്രമേ മൂലക്കാടനെ കൂവുകയും ഉന്തുകയും (അടി കിട്ടിയെന്നും അടക്കിപ്പിടിച്ചസംസാരം കേട്ടിരുന്നു) ചെയ്തു. എന്നാല്‍ ഇവിടെ അമേരിക്കയില്‍, ചിക്കാഗോയില്‍ നടക്കുന്ന കണ്‍വെന്‍ഷനില്‍ പങ്കെടുക്കുവാന്‍ വരുന്ന 8000 ആള്‍ക്കാരില്‍ അവിടത്തെ ലൂസിഫറിന്റെ ശിങ്കിടികളും കുറെ സ്ത്രീജനങ്ങളും ഒഴിച്ച് ബാക്കിയെല്ലാവരുംകൂടി കൂവി വിളിച്ച് ഓടിക്കുമെന്ന് ഓര്‍ത്തിരിക്കുന്നത് നന്ന്. അമേരിക്കയില്‍ കൂവുന്നത് നാട്ടിലെ Cheers വിളി പോലെയായിരിക്കും എന്ന് വിചാരിക്കുന്നെങ്കില്‍ തെറ്റി! നാട്ടില്‍ നിന്നും അമേരിക്കയിലെയ്ക്ക് കുടിയേറിയ ക്നാനായ തന്തയ്ക്കും തള്ളയ്ക്കും ജനിച്ച ക്നാനായമക്കള്‍ തനി കേരളസ്റ്റൈലില്‍ ആയിരിക്കും കൂവി വിളിയ്ക്കുന്നത് എന്ന് ചിന്തിച്ചാല്‍ നന്ന്! അമേരിക്കയില്‍ ചീമുട്ടയില്ലാത്തത് ഭാഗ്യം!

കഴിഞ്ഞ പ്രാവശ്യം ഫ്ലോറിഡയില്‍ വച്ച് നടന്ന കണ്‍വെന്‍ഷനില്‍ സീറോമലബാര്‍ ക്നാനായ കത്തോലിക്ക്ക ബിഷപ്പുമാര്‍ വരാതെ ക്നാനായ സമുദായ തിരുമേനിമാര്‍ (ക്നാനായ യാക്കോബായ) പന്കെടുതതുകൊണ്ട് കണ്‍വെന്‍ഷന്‍ അതിഗംഭീരമായിരുന്നു. വളരെ വിജയപ്രദവുമായിരുന്നു.

ഇനി കോട്ടയം രൂപതയുടെ എല്ലാവിധ അജപാലനാധികാരം അമേരിക്കയില്‍ (കേരളത്തിന്‌ വെളിയില്‍) കിട്ടുന്നതുവരെ ലുസിഫറിനെയും സങ്കരപിതാക്കന്മാരെയും ഇനിയുള്ള കണ്‍വെന്‍ഷനുകളില്‍ പങ്കെടുപ്പിക്കരുതേയെന്ന് ദൈവത്തോട് പ്രാര്‍ഥിക്കുകായും നമ്മുടെ എല്ലാമെല്ലാമായ പത്താം പീയുസ്‌ പുണ്യവാളനോട് അപേക്ഷിക്കുകയും ചെയ്യുന്നു.

2014 തുടങ്ങിയപ്പോഴേ അമേരിക്കയിലെ ക്നാനയക്കാരുടെ നല്ലകാലം തുടങ്ങിയിരിക്കുകയാണ്. ക്വീന്‍സ് ഭാഗത്ത്‌ ആനിവേഴ്സറി ഭംഗിയായി നടന്ന അതേദിവസംതന്നെ Rockland County ക്നാനായ മിഷന്‍ പൊതുയോഗത്തില്‍ വച്ച് വീരശൂരപ്രാക്രമിയും തന്ത്രശാലിയും എത്ര അപവാദങ്ങളിലും വിവാദങ്ങളിലും പെട്ടാലും നാണമില്ലാതെ പുഞ്ചിരിയില്‍ ആളുകളെ മയക്കാന്‍ ശ്രമിക്കുന്നവനുമായ കട്ടയിലച്ചനെ കൊമ്പുകുത്തിച്ചു. പാവം പ്രാണരക്ഷയ്ക്കായി അന്നുതന്നെ കേരളത്തിലേയ്ക്ക് നാടുകടന്നു. ഇനി ന്യൂയോര്‍ക്കിനു വരുമെന്ന് തോന്നുന്നില്ല. Rockland Countyക്കാരോട് കളിച്ചാല്‍ അങ്ങിനെയിരിക്കും.

വാല്‍ക്കക്ഷണം:

സൂര്യചന്ദ്രന്മാരുള്ളിടത്തോളം കാലം നമ്മുടെ ക്നാനായസമുദായം നിലനില്‍ക്കുമെങ്കില്‍ അന്നുവരെ ക്രീഡ്മോര്‍ ചാപ്പലില്‍ മാസത്തിന്റെ ആദ്യ ഞായറാഴ്ചകളില്‍ Kids Club പ്രവര്‍ത്തനവും അതിനോടനുബന്ധിച്ച് പരിശുദ്ധ കുര്‍ബാനയും നടന്നിരിക്കും.

പോ മോനെ ദിനേശാ....

ന്യൂയോര്‍ക്ക് സരസന്‍

(കടപ്പാട്: അമേരിക്കന്‍ ക്നാ)